არის თუ არა ხის ჟღერადობა ყოველთვის ერთნაირი?
ტყე გამოირჩევა ბგერების მრავალფეროვნებით. მასში თავმოყრილია ყველანაირი ბგერა – ძლიერი და სუსტი, მაღალი და დაბალი. ტყის ქსილოფონის ტონები დამოკიდებულია ხის ტიპზე, მერქნის დიამეტრსა და სიგრძეზე. ტოტები ირხევიან, ქვები ტკაცუნობენ, ფოთლები შრიალებენ – ამ მელოდიების გაერთიანებით ჩვენ შეგვიძლია ტყის კონცერტი გავმართოთ.
წარსულში მუსიკალური ინსტრუმენტების შემქმნელები სხვადასხვა სახეობის ხის განსხვავებულ ხმოვან მახასიათებელს იყენებდნენ. ნამდვილი ექსპერტები ხის მიერ გამოცემული ხმის მიხედვით ცნობენ ჯანმრთელია თუ არა ის.
ტონისთვის გადამწყვეტი მნიშვნელობა მერქნის სტრუქტურას ენიჭება, რაც ყოველი სახეობის ხისთვის განსხვავებულია. ვერხვის მერქანი მსუბუქია, მაშინ როდესაც მუხის მერქანი მძიმე, მყარი და მკვრივია. რაც უფრო მკვრივია მერქანი, მით უფრო მაღალია ტონი.
- Xylon = მერქანი
- Phoné = ხმა
- სიტყვა “xylophone” მომდინარეობს ბერძნული სიტყვებიდან „Xylon“ – ξύλον – და „Phoné“ – φωνή.
შესაძლოა ბევრ თქვენთაგანს ნანახი აქვს ნამდვილი ქსილოფონი. ის შედგება მერქნისაგან დამზადებული ძელაკებისგან, რომლებიც სიგრძის მიხედვით არის დალაგებული და ქმნის მუსიკალურ შკალას. ქსილოფონების უმეტესობა პალისანდრის ხისგან მზადდება. მოკლე ძელაკები მაღალ ბგერებს წარმოქმნიან, ხოლო გრძელი ძელაკები – დაბალს.
ჩვენ სამყაროს ძირითადად მხედველობის მეშვეობით აღვიქვამთ, თუმცა თუ თვალებს დავხუჭავთ სმენა უფრო მგრძნობიარე გაგვიხდება.
- დახუჭეთ თვალები და მოუსმინეთ
- დაითვალეთ ათი განსხვავებული ბგერა
- ააჟღერეთ ქსილოფონი
- შეგიძლიათ მელოდიის დაკვრა?
ჯგუფური აქტივობა – დასარტყამი ინსტრუმენტების ბენდი.
მოიძიეთ სხვადასხვა საგნები, რომელთა საშუალებითაც შესაძლებელია ბგერების წარმოქმნა (მაგალითად, ქვები, მიწაზე დაყრილი ფოთლები.) და ვითამაშოთ ერთად. შეგიძლიათ მათი ჰარმონიზება ფრინველთა ბგერებთან?
