გზამკვლევის მიზანია, საქართველოს კანონი „გარემოსდაცვითი შეფასების კოდექსი“ თითოეული მოქალაქისთვის მარტივ სახელმძღვანელოდ გარდაქმნას. კოდექსი არა მხოლოდ ექსპერტებისთვის, არამედ საზოგადოების გასაძლიერებლად შექმნილი დემოკრატიული ინსტრუმენტია, რომელიც გიჩვენებთ, როგორ გამოიყენოთ თქვენი კანონიერი უფლებები ინფორმაციის ხელმისაწვდომობისა და გადაწყვეტილების მიღების პროცესში მონაწილეობისთვის.

ანგარიშში აღწერილია ბუნებრივი რესურსების მოპოვებასთან, კერძოდ, ნადირობასთან, მერქნისა და წიაღისეულის მოპოვებასთან დაკავშირებული კანონმდებლობა და პრაქტიკა. კლევის მიზანია იმ სამართლებრივი და ინსტიტუციური ფაქტორების იდენტიფიცირება, რომლებიც გავლენას ახდენს ბიომრავალფეროვნების კონსერვაციასა და ლანდშაფტის ერთიანობაზე. 

ნარკვევის მიზანია, საქართველოში მსხვილი ინფრასტრუქტურული პროექტების დაგეგმვისა და განხორციელების პრაქტიკის შესაბამისობის განსაზღვრა კარგ გარემოსდაცვით სტანდარტებთან და ევროკავშირის კანონმდებლობასთან, ასევე რეკომენდაციების შემუშავება არსებული ნაკლოვანებების გამოსასწორებლად.

პოლიტიკის ნარკვევის მიზანია განვითარების პროექტებისთვის ისეთი პროაქტიული მიდგომის ადვოკატირება, რომელიც ხელს შეუწყობს ეკონომიკური ზრდისა და საქართველოს მდიდარი ბიომრავალფეროვნების შენარჩუნების ჰარმონიზებას და უზრუნველყოფს ქვეყნის მდგრად განვითარებას

ბექობის არწივის კონსერვაციის გეგმა საქართველოში მომზადდა საზოგადოება ბუნების კონსერვაციისათვის – საბუკოს კვლევების შედეგების მიხედვით, რომლებიც 2015 წელს დაიწყო და დღემდე გრძელდება. მათზე დაყრდნობით განისაზღვრა პოპულაციაზე უარყოფითად მოქმედი საფრთხეები, ასევე კონსერვაციის სპეციალური ზომები – ამოცანები, ქმედებები, რომლებიც სახეობის სახარბიელო კონსერვაციული სტატუსის მისაღწევადაა აუცილებელი. ამრიგად, ბექობის არწივის კონსერვაციის გეგმა ხელს შეუწყობს საქართველოში ასოცირების შეთანხმებით ნაკისრი ვალდებულებების შესრულებას.

ნაშრომში მიმოხილულია სასოფლო-სამეურნეო მიწის მართვის პრაქტიკა ივრის ზეგანზე. კვლევის მიზანიადაადგინოს, თუ რამდენად ქმნის საქართველოში მოქმედი სამართლებრივი აქტები და პოლიტიკისდოკუმენტები მიწისა და საძოვრების მდგრადი მართვის საშუალებას და რამდენად უზრუნველჰყოფს ისბუნებრივ რესურსებზე მოქმედი საფრთხეების აცილებას ან შემცირებას.

საქართველოს სატყეო სექტორის შეფასება თვალნათლივ აჩვენებს, რომ კარგ მმართველობამდე დიდი გზაა გასავლელი. ამისათვის განსაკუთრებით საჭიროა რეფორმების გატარება ადგილობრივი თემების ტყეებთან / მიწებთან დაკავშირებული უფლებების აღიარებისა და პატივისცემის, სატყეო მმართველობის დეცენტრალიზაციის, სახიფათო პროექტების შედეგად მიყენებული ზიანის პრევენციის, ბიომრავალფეროვნების კონსერვაციის ხელშეწყობის, ინტერესთა კონფლიქტების აღმოფხვრის მიმართულებით.

გაუდაბნოება რთული და დინამიური პროცესია, რომლის მოგვარებაც ყოვლისმომცველ და ინტეგრირებულ მიდგომას მოითხოვს. გაუდაბნოება არ არის მხოლოდ გარემოსდაცვითი გამოწვევა, ისე სოციალური, ეკონომიკური და პოლიტიკური საკითხიცაა, აქედან გამომდინარე, ყველა დაინტერესებული მხარის პასუხისმგებლობაა, ერთად იმუშაონ გაუდაბნოებასთან საბრძოლველად.

ანგარიშში შეჯამებულია საბუკოს მიერ გასული წლის მანძილზე განხორციელებული საქმიანობა.

2023 წლის 9-10 დეკემბერს, მდ. იორზე დალის მთის წყალსაცავის ქვედა და ზედა ბიეფში ჩატარდა გეოდეზიური და ჰიდრომეტრიული სამუშაო ახლად გახსნილ ჰიდროლოგიურ სადგურებზე. დოკუმენტში მოცემული კვლევის შედეგები.

ანგარიში იკვლევს ჭაჭუნის აღკვეთილში სეზონურად მცხოვრები ქალების საჭიროებებსა და გამოცდილებებს, გარემოსდაცვითი სამართლიანობისა და გენდერული თანასწორობის საკითხების თანაკვეთის ანალიზით.