უსასყიდლო დონაცია
თქვენი უანგარო დონაციის წყალობით, საბუკო შეძლებს შეინარჩუნოს ფინანსური სტაბილურობა და კონცენტრირდეს ისეთ საქმიანობაზეც, რომლსთვისაც მწირი ბიუჯეტი აქვს, მაგ.: ფრინველთა არალეგალური მკვლელობების მონიტორინგი, ფასკუნჯის პოპულაციის დაცვა და სხვა.
საველე გასვლები
როგორც კი ჯგუფურად გადაადგილება უსაფრთხო გახდება, საბუკო გეგმავს თავისი წევრების საველე გასვლებში ჩართვას: შერჩეული ლოკაციების მონახულებას, ველზე მუშაობის სპეციფიკის გაცნობას, ფოტოხაფანგების ერთად დამონტაჟებას, ფრინველთა დანიშვნაში მონაწილეობას და სხვა.
ხის ბროშები
მოლაღურების, ჩიტბატონების, დიდი წივწივებისა და სოფლის მერცხლების ფორმის ხის პატარა გულსაბნევები საბუკომ წევრების, დონორებისა და სხვა მხარდამჭერთათვის უდიდესი მადლიერების გამოსახატად დაამზადა.
საგანმანათლებლო მასალები
ჩვენი გუნდი მუდმივად ქმნის, თარგმნის, ადაპტირებას უკეთებს, აგროვებს და ბეჭდავს სხვადასხვა ტიპის საგანმანათლებლო მასალას პატარებისა თუ მოზრდილებისთვის, რომლებიც შემეცნებითთან ერთად, სახალისო და გასართობია.
ტრენინგები და ვორქშოპები
ჩვენ ძალებს არ ვიშურებთ იმ თემებზე ცნობიერების გასაზრდელად, რომლებზეც ვმუშაობთ. ჩვენი წევრებისა და დონორებისთვის ორგანიზებას ვუწევთ ისეთ შეხვედრებსაც, რომლებიც პროფესიული ცოდნის გაზიარებისკენაა მიმართული.
