მთელი მსოფლიოს ორნიტოლოგებმა აღნიშნეს ოქტომბრის მეორე უიქენდი, რათა გაეზარდათ ინფორმირებულობა გადამფრენი ფრინველების შესახებ. მათ ჩვენც შევუერთდით, საქართველოში და სკოლის მოსწავლეები მოვიწვიეთ საქართველოს მუზეუმში, სპცეიალურ პროგრამაზე. გამოფენამ, ‘კავკასიის ბიომრავალფეროვნება’, იდეალური საშუალება მოგვც გვეჩვენებია, თუ რა დაბრკოლებებს ხვდებიან გადამფრენი ჩიტები. დღის ბოლოს მათ შეადგინეს გადასაფრენი მარშუტების საკუთარი რუკა და დაამზადეს ორიგამები. შაბათს, ყველა მნახველს საშუალება ჰქონდა გაცნობოდა ფრინველების მიგრაციის შესახებ ინფორმაციას, გაეკთებინათ ქაღალდის ჩიტები და შეემოწმებინათ თავიანთი ცოდნა ვიქტორინის გზით. კვირას, ზოოპარკში, მნახველებს საშუალება ჰქონდათ ეთამაშათ გადამფრენი ფრინველების თამაში, სადაც მათ შეეძლოთ გამოეცადათ თავი ამ როლში.
გადამფრენი ჩიტები ერთ-ერთი ყველაზე შთამბეჭდავი და შთამაგონებელი ფრინველთა ჯგუფია; ეს არა მხოლოდ იმიტომ, რომ საინტერესო სახეობებს მოიცავს, არამედ იმ დაუჯერებელი მანძილების გამოც, რომელთაც ისინი გადალახავენ ხოლმე.
გადამფრენი ჩიტები სეზონის მიხედვით ტოვებენ თავიანთ რეგიონებს მაშინ, როდესაც საკვები მცირდება და გადადიან სხვა კონტინენტზე, ახალი ცხოვრების დასაწყებად. როდესაც ჩვენ ვაკვირდებით ამ მშვენიერ ქმნილებებს და მათ ქცევებს, იმედი გვაქვს, რომ ყოველ წელს დაბრუნდებიან. სამწუხაროდ, ბევრი მიგრანტი სახეობა, განსაკუთრებით შორეულ დისტანციაზე გადამფრენი, არ დაბრუნდება.
გადამფრენი ჩიტების საერთაშორისო დღე (WMBD) – ეს არის ყოველწლიური კამპანია, რომელიც გადამფრენი ფრინველების, მათი და მათი ადგილსამყოფელის შენარჩუნების შესახებ ცნობიერების ამაღლებას ემსახურება. ეს დღე აღინიშნება წელიწადში ორჯერ: მაისის და ოქტომბრის მეორე უიქენდებზე.
