ბუნებაში გაკვეთილების ჩატარება სწავლის პროცესს შეგრძენებების დონეზე წარმართავს და ბუნებასთან ემოციურ კავშირს ქმნის. ამ დროს იქმნება ყველანაირი პირობა, რათა ადამიანს გაუჩნდეს კითხვები და კვლევა-ძიების მოტივაცია. ეს ახალისებს ბუნების შესახებ ცოდნის შეძენას და აღრმავებს ადამიანისა და ბუნების ურთიერთკავშირს. ბუნებრივ პირობებში განათლების მიღება ჰოლისტიური პროცესია.

ქვემოთ მოცემული საგანმანათლებლო მოდულები დაგეხმარებათ, კარგად მოემზადოთ ტყეში გაკვეთილების ჩასატარებლად. ეს მოდულები წარმოადგენს კვლევების, აღმოჩენების, გამოცდილებებისა და შემოქმედებითი პროცესების ერთობლიობას. მიუხედავად იმისა, რომ ეს მოდულები შედგენილია კუს ტბის სალაშქრო ბილიკების კონტექსტში, მათი გამოყენება ასევე შეგიძლიათ ნებისმიერ სხვა ტყესთან მიმართებაში. აქ პრიორიტეტული ბუნებაში მიღებული გამოცდილებაა.